Motivational Life Quotes

Sadhu Santon Ki Shiksha

Sadhu Santon Ke Vichar Tatha Shiksha

Sadhu Santon Ke Vichar Tatha Shiksha
Santon Ki Shiksha

Ek nagar mein ek vyakti ke vivaah ko das-baarah varsh ho chuke the. santaan nahin huee thee. usee gaanv se baahar lagabhag do ki.mee. kee dooree par ek aashram tha. usamen ek siddh sant rahata tha. vah nagar mein se bhiksha maangakar laata tha. usako teen-chaar ya adhik din khaata rahata tha. ek din vah us ghar se bhiksha lene gaya jis vyakti ko koee santaan nahin thee. stri-puroosh donon ne sadhu jee se putra praapti ke liye charan pakadakar praarthana kee. sadhu ne kaha ki ek shart par santaan ho sakatee hai. stri-puroosh ne poochha ki batao. sadhu ne kaha ki pratham putra utpann hoga. do varsh hone ke pashchaat mujhe chadhaana hoga. use main apana uttaraadhikaaree banaoonga. aapako manjoor ho to batao. usake pashchaat ladakee hogee. phir ek putra hoga. donon ne us shart ko sveekaar kar liya. sadhu ke aasheervaad se dasaven maheene putra hua. do varsh ka hone par saadhu ko saump diya. us samay stri phir garbhavatee thee. usane kanya ko janm diya. phir ek putra aur hua. jis kaaran se sadhu kee mahima aur adhik ho gaee. us aashram mein yuva ladakiyon ka pravesh nishedh tha. jab vah ladaka solah varsh ka hua to ek din guru jee ko chhaatee mein stan ke paas phoda ho gaya. jis kaaran sadhu jee dard ke kaaran vyaakul rahane laga. jadee-bootee banaakar us phode par lagaee. chaar-paanch din mein vah phoda phootakar theek hua. tab sadhu samanya hua. kuchh din ke pashchaat sadhu ko bukhaar ho gaya. vrddhaavastha va bukhaar ke kaaran utpann kamajoree kee vajah se chalane-phirane mein asamarth ho gaya. sadhu ne us shishya ko kabhee nagar mein bhiksha lene nahin bheja tha. yah vichar karake ki kaheen javaan ladaka gaanv mein ladakon ke saath baithakar buree sangat mein padakar koee galatee na kar de. kaheen vivaah karane kee prerana na ho jae. parantu us din vivash hokar sadhu ne apane shishya se kaha ki beta! bhiksha maangakar la aur nagar mein pratham galee mein chauthe ghar se jo mile, use lekar aa jaana, aage mat jaana. ladaka guru jee ke aadeshaanusaar usee ghar ke dvaar par gaya aur bola, alakh niranjan! us ghar se ek 14 varsheey ladakee bhiksha daalane ke lie dvaar par aaee to sadhu ladaka us ladakee kee chhaatee kee or gaur se dekh raha tha. ladakee ne dekh liya ki sadhu kee drashti mein dosh hai. ladakee bolee ki le baaba bhiksha. sadhu bola, he maee kee betee! teree chhaatee par do phode hue hain. aap aashram mein aa jaana. tere phode guroo jee theek kar denge. he maee kee betee! aapako bahut peeda ho rahee hogee. mere guru jee ko to ek hee phode ne duhkhee kar rakha tha. yah baat ladake sadhu se sunakar ladakee ka andaaja aur drad ho gaya ki yah sadhu nek nahin hai. ladakee unchee-unchee aavaaj mein bolane lagee ki apanee maan-bahan ke phode theek kara le, badatameej! tere ko jootee maaroongee. yah kahakar ladakee ne pair kee jootee nikaal lee aur bolee chala ja yahaan se, phir kabhee mat aana. shor sunakar ladakee kee maata bhee dvaar par aaee aur poochha ki betee! kya baat hai ladakee ne us sadhu kee karatoot maata ko bataee. maata ne poochha ki baaba jee! kahaan se aaye ho ladake sadhu ne bataaya ki is aashram se aaya hoon. mere guru jee beemaar ho gae hain, chalane-phirane mein asamarth hain. isalie pahalee baar mujhe bhiksha laane bheja hai. main unaka shishya hoon. mainne to is bahan se poochha tha ki teree chhaatee par do phode hain, bahut duhkhee ho rahee hogee. mere guroo jee ko to ek hee phoda hua tha, din-raat dard se vyaakul rahate the. ve aushadhi jaanate hain. aap guroo jee ke paas jaakar phode theek kara lo. vah sadhu ladaka usee stra ka beta tha jo sadhu ko chadha rakha tha. vah ladakee us saadhu baaba kee chhotee bahan thee. maata ne bataaya ki yah tera bhaee hai jo hamane sadhu ko chadha rakha hai. yah duniyaadaaree kee kharaab baaton se bacha hai. isako kuchh bhee pata nahin hai. jo dosh betee tujhe laga, vah is tere bhaee mein nahin hai. yah to paak-saaph aatma se bol raha tha. toone nagar ke chanchal yuvakon vaalee sharaarat ke anusaar vichar karake dhamakaaya. maee ne bataaya ki sadhu jee! meree betee kee chhaatee par phode nahin hain. ye doodhee hain, dekh! jaise meree chhaatee par hain. isaka vivaah karenge. isako santaan utpann hogee. tab in doodhiyon se isase bachche doodh peeainge. sadhu bachcha bola, he maee! isaka vivaah kab hoga. kab isako santaan hogee maee ne bataaya ki kabhee teen-chaar varsh ke pashchaat vivaah karenge. phir do-teen varsh pashchaat santaan hogee. sadhu ladake ne aadhyaatmik drshtikon se vichar kiya ki paramaatma ko janm lene vaale bachche kee kitanee chinta hai. usake janm se 7.8 varsh poorv hee doodh peene kee vyavastha kar rakhee hai. kya vah hamaare khaane kee vyavastha aashram mein nahin karega. ham to guru-shishya us paramaatma ke bharose baithe hain. aaj ke baad bhiksha maangana band. yah vichaar kar raha tha ki maee ne poochha, baaba jee! kya chinta kar rahe ho sadhu bola ki maee chinta samaapt. yah kahakar bhiksha sahit jholee galee mein phainkakar aashram khaalee haath aaya to guru jee ne poochha ki bhiksha kyon nahin laaya jholee kisee ne chheen lee kya ladake ne bataaya ki guroo jee! jab paramaatma bachche ke janm lene se 7.8 varsh poorv hee sarv khaane kee vyavastha karata hai to kya apanee aashram mein nahin karega avashy karega. isaliye main jholee galee mein phaink aaya. sadhu samajh gaya ki yah kaamachor raaste mein jholee phainkakar aa gaya ki roj bhiksha lene jaana padega. sadhu vivash tha, kuchh nahin bola. socha ki kal main duhkhee-sukhee hokar jaise-taise svayan bhiksha laoonga. jab sadhu baalak jholee tatha bhiksha galee mein phainkakar aashram mein chala gaya to paramaatma ne nagar ke kuchh vyaktiyon mein prerana kee ki bade baaba asvasth hain. chhote baaba ko kisee ne kuchh kah diya, vah bhiksha va jholee donon phainkakar chala gaya. sadhu bhookha hai, bachcha bhee bhookha rahega. yah vichar karake achchha bhojan taiyaar kiya. kheer-phulke-daal banaakar pahale ek lekar pahuncha aur sadhu se kaha ki chhota baaba jee kisee ke kahane par rusht hokar bhiksha nahin laaya. jholee-bhiksha phaink aaya. aap bhojan khao. saadhu ne kaha ki pahale baalak ko khilao. baalak bola ki pahale guru jee khaainge, phir chela khaega. sadhu bhojan khaane laga. itane mein doosara halava-pooree-chhole lekar aa gaya. is prakaar lagabhag das vyakti gaanv ke yahee vichaar karake bhojan lekar aashram mein pahunche. chela bola ki vaah bhagavaan! hamen pata nahin tha ki aap kitane achchhe ho. iseelie aapake naam kee chinta kam bhojan kee adhik rahatee thee. gaanv vaalon ne nambar baandh liya ki ek din ek ghar se saadhuon ka bhojan bheja jae. aisa hee hua.

 Shiksha  


Jaisee sangat, vaisee rangat. apana dosh doosare mein dikhata hai. paramaatma par vishvaas bina bhakt adhoora hai. maangakar khaana bhee shaastraavirooddh hai kyonki yadi bhakt kee shraddha tatha bhaavana sachchee hai to paramaatma vyavastha kar deta hai. parantu grhasthee ke karm karake bhojan grahan karana sarvottam hai. sadhu-sant ka karm satsang karana, bhakti karana hai. yadi sachchee shraddha se karata hai to use maangane kee aavashyakata nahin padegee.

Comments