Motivational Life Quotes

Pati Patni Ka Vishwas

Pati Patni Ka Aisa Atut Vishwas 

Pati Patni Ka Aisa Atut Vishwas
Pati-Patni

Vivah Ke Paschat Pati-Patni Ka Vishwas : Vivah ke pashchaat pati-patni ka kartavya ban jaata hai ki ek-doosare par apana vishwas kaayam rakhen. bhaavaarth hai ki donon jati-sati kee maryaada ka nirvaah karen. pati ko atal vishvaas ho ki meree patnee any puroosh ko kabhee samarpit nahin ho sakatee, chaahe vah kitana hee sundar tatha dhanee ho. is prakaar patni ko atal vishwas ho ki mera pati any aurat se prabhaavit hokar milan nahin kar sakata, chaahe svarg se koee apsara bhee aa jae. 

Pati-Patni Ke Vishwas Ki Kahani


Ek phaujee javaan tha. usakee patni sati yaani pativrata thee. yah baat usane apane saathiyon ko phauj mein bata dee. yah baat raaja ke mantri sherakhaan ke paas pahunchee to usane raaja ko bataee aur is jhooth-sach kee jaanch karane kee praarthana kee. raaja ne sabha lagaee tatha us phaujee chaap sinh chauhaan ko bulaaya. sabha mein raaja ne poochha ki aap kah rahe ho ki aapakee patni pativrata hai, vah anya puroosh se kisee laalach mein milan nahin kar sakatee. phaujee chaap signh ne kaha ki yah shat pratishat saty hai. raaja ne kaha ki yadi jhooth paee to phaujee ne kaha ki jo saja aap den, manjoor hogee. sherakhaan mantri ne kaha ki raaja jee! yah pareeksha main svayan karoonga. raaja ne kaha ki theek hai. chaapasinh ne kaha ki mere vivah ke samay milee suhaag kee nishaanee ek pataka tatha kataaree meree patni nahin de sakatee. yadi sherakhaan yah le aaya to main haar maan loonga tatha meree patni ke shareer ka koee chinh bata dena. main maan loonga ki meree patni dharm se gir gaee hai. sherakhaan ne chaap singh ke nagar mein jaakar ek mukhabir stri se kaha ki ek chaap singh phaujee kee patnee rahatee hai. usake saath mera milan kara de. tere ko bahut dhan doonga. us stri ne kaha ki yah kisee keemat par sambhav nahin hai. phir sherakhaan ne kaha ki kisee tarah usake ghar se vivah mein milane vaalee suhaag kee nishaanee pataka tatha kataaree la de, chaahe churaakar la de tatha chaap singh kee patni somavatee ke guptaang ke paas ya jaangh-saanthal par koee nishaan ho to vah pata kar de. vah stri mehamaan banakar chaap singh kee nakalee bua banakar somavatee ke ghar gaee. somavatee ke vivah ke samay tatha pashchaat chaap singh kee bua aaee nahin thee. beemaar hone ke kaaran vivah mein bhee nahin aa sakee thee. kaee din rookee. somavatee ko snaan karate dekha to nikat jaakar usake sundar shareer kee prashansa karane ke bahaane ang-ang dekha. somavatee ke guptaang ke paas bada til tha. yah sab nishaanee dekhakar mukhabir pataka tatha kataaree churaakar le gaee aur sherakhaan mantree jee ko bataaya ki main usake saath milan karake aaya hoon. usakee jaangh mein kaala til hai. yah suhaag kee vastu pativrata kisee ko nahin detee. mere prem mein tatha dhan ke laalach mein mere ko dee hai. raaja ne sabha lagaee. chaap sinh ko bulaaya. kaha ki yah pataka tatha kataaree kisakee hai. chaap singh ne dhyaan se dekha tatha sveekaara ki meree hain. sherakhaan ne kaha ki aur bataoon, sun! teree patni kee daahin jaangh par guptaang ke paas kaala til hai. chaap singh ne kaha ki yah sab saty hai, parantu meree patnee apane dharm se nahin gir sakatee. raaja ne kaha ki too ab bhee vahee rat laga raha hai, too jhootha hai. tere ko aaj se ek maheene baad phaansee de dee jaegee. teree jo antim ichchha ho, vah bata. chaap sinh ne kaha ki main apanee patnee se milana chaahata hoon. raaja ne aagya de dee. chaap singh apanee patni ke paas gaya. usako bevaphaee ke kaaran unch-neech kaha aur bataaya ki mere ko us din tere kaaran phaansee lagegee. somavatee ne bataaya ki aapakee bua ka naam lekar ek stree aaee thee. usane mere ang ka chinh dekha tatha pataka aur kataaree chura le gaee. chaap singh ne bataaya ki mantree sherakhaan aaya tha. usane yah sab shadayantra racha hai. chaap singh vaapis laut gaya. phaansee vaale din se ek saptaah pahale somavatee raaja kee nagaree mein ek naachane vaalee banakar gaee aur raaja ko nratya dikhaane ke lie kaha. raaja ne aagya de dee. poore sabhaasad upasthit the. mantree sherakhaan bhee upasthit tha. nartakee ke nrty se raaja ati prasann hua tatha nrataka se kaha ki maango, kya maangatee ho, main ati prasann hoon. nartakee ne kaha ki vachanabaddh ho jao, tab maangoongee. raaja ne kaha ki raajy ke atirikt kuchh bhee maang, main vachanabaddh hoon. nartakee ne kaha ki aapakee sabha mein mera chor hai. mere ghar se choree karake laaya hai. sherakhaan mantree naam hai. usako phaansee kee saja dee jae. sherakhaan se raaja ne poochha ki bata sherakhaan! kitanee sachchaee hai? sherakhaan bola ki he paravaradigaar! mainne to is aurat kee aaj se pahale kabhee shakl bhee nahin dekhee thee. tab somavatee ne kaha ki yadi aapane meree shakl bhee nahin dekhee thee to ye pataka aur kataaree kisake ghar se laaya main us chaap sinh kee pativrata patnee hoon jise teree jhooth ke kaaran phaansee dee ja rahee hai. chaap sinh ko bulaaya gaya. raaja ne chaap sinh ko aadha raajy saump diya aur kshama kar diya tatha sherakhaan mantra ko phaansee kee saja dee gaee. dhany hai aisee betiyaan jin par naaj hai bhaarat ko.

Comments