Motivational Life Quotes

Man Purpose of Human Life in Hindi

Manav Jeevan Ka Mukhya Uddeshy | Man Purpose of Human Life in Hindi

Manav Jeevan Ka Mukhya Uddeshy | Man Purpose of Human Life in Hindi
Jeevan

Manav Jeevan Ka Mukhy Uddeshy : jab tak yathaarth aadhyaatmik gyaan nahin hota to jan-saadhaaran kee dhaarana hotee hai ki bada hokar padh-likhakar apane nirvaah kee khoj karake vivaah karaakar parivaar poshan karenge. bachchon ko uchch shiksha tak padhaainge. phir unako rojagaar mil jae. unaka vivaah karenge. paramaatma santaan ko santaan de. phir hamaara kartavy poora hua. kaee baar padausee gaanv ke vrddh ikatthe hote to aapas mein kushal-mangal jaanate to ek ne kaha ki paramaatma kee krpa se do ladake tatha do ladakee hain. kathin parishram karake paala-posa tatha padhaaya, vivaah kar diya. sab ke sab beta-betiyon vaale hain. mera kaary poorn hua. 75 varsh ka ho gaya hoon. ab beshak maut ho jae, mera jeevan saphal hua. vansh bel chal padee, sansaar mein naam rahega. 
Vivechan :- uparokt prasang mein jo bhee praapt hua, vah poorv nirdhaarit sanskaar hee praapt hua, naya kuchh nahin mila. ek vyakti ka vivaah hua. santaan roop mein betee huee. maanav samaaj kee dhaarana rahee hai ki putra nahin hai to usaka vansh nahin chalata. (parantu aadhyaatmik gyaan kee drshti se putr-putree mein koee antar nahin maana jaata) aasha lagee ki doosara putr to beta hoga. doosaree bhee ladakee huee. phir aasha lagee ki paramaatma teesara to putr de. parantu teesaree bhee ladakee huee. is prakaar kul paanch betiyaan huee. putr ka janm hua hee nahin. is udaaharan se spasht hota hai ki na to maanav ka chaaha hua aur na kiya hua. jo kuchh hua, sanskaaravash hee hua. yah parameshvar ka vidhaan hai. maanav shareer praapt praanee ko vartamaan janm mein poorn sant se deeksha lekar bhakti karanee chaahie tatha puny-daan, dharm tatha shubh karm avashy karane chaahiain, anyatha poorv janm ke puny manav jeevan mein kha-kharch kar khaalee hokar paramaatma ke darabaar mein jaega. phir pashu aadi ke jeevan bhogane padenge. jaise kisaan apane khet mein gehoon, chana aadi beejata hai. phir parishram karake unhen paripakv karake ghar laakar apane kaksh mein bhar leta hai. yadi vah punah beej bo kar phasal taiyaar nahin karata hai aur poorv varsh ke gehoon va chane ko kha-kharch raha hai to vartamaan mein to use koee aapatti nahin aaegee kyonki poorv varsh ke gehoon-chana shesh hai, parantu ek din vah poorv vaala sangrah kiya ann samaapt ho jaega aur vah kisaan parivaar bhikhaaree ho jaega. theek isee prakaar manav shareer mein jo bhee praapt ho raha hai, vah poorv ke janmon ka sangrah hai. yadi vartamaan mein shubh karm tatha bhakti nahin kee to bhavishy ka jeevan narak ho jaega. adhyaatm gyaan hone ke pashchaat manav buddhimaan kisaan kee tarah prativarsh pratyek mausam mein daan-dharm, smaran roopee phasal boega tatha apane ghar mein sangrah karake khaega tatha bechakar apana kharch bhee chalaega yaani poorn guroo jee se deeksha lekar unake batae anusaar saadhana tatha daan-dharm prati samaagam mein karake bhakti dhan ko sangrah karega. isalie param sant manav ko jeene kee raah bataata hai. usaka aadhaar saty aadhyaatmik gyaan sarv granthon se pramaanit hota hai. jaisa ki poorvokt prasang mein ek vrddh ne bataaya ki sarv santaan ka paal-posakar vivaah kar diya. mere manav jeevan ka kaary poora hua, mera jeevan saphal hua. ab beshak maut aa jae. vichaaraneey vishay hai ki usane to poorv ka jama hee kharch kar diya, bhavishy ke lie kuchh nahin kiya. jis kaaran se us vyakti ka manav jeevan vyarth gaya. kabeer jee ne kaha hai ki 

Manav Jeevan mein Kuch Asthir Nahin Hai


kya maangun kuchh thir na rahaee. dekhat nain chala jag jaee.. 
ek lakh poot sava lakh naatee. us raavan kai deeva na baatee..

Udaharan :- yadi ek manushy ek putr se vansh bel ko sada banae rakhana chaahata hai to yah usakee bhool hai. jaise shreelanka ke raaja raavan ke ek laakh putr the tatha sava laakh pautr the. vartamaan mein usake kul (vansh) mein koee ghar mein deep jalaane vaala bhee nahin hai. sab nasht ho gae. isalie he manav paramaatma se yah kya maangata hai jo sthaee hee nahin hai. yah adhyaatm gyaan ke abhaav ke kaaran prerana banee hai. paramaatma aap jee ko aapaka sanskaar deta hai. aapaka kiya kuchh nahin ho raha.
priy bhaee bandhuon se nivedan hai ki vivek se kaam len aur manav jeevan kee sachchee raah pakaden, bhakti avashy karen. santaan hona ya na hona yah aapake poorv ke karmon ka phal hai. yadi santaan ko dharm-karm ka gyaan nahin hai to vah chaahe kitanee hee nek hai, kabhee na kabhee galatee kar hee degee. vah sab paap karmon ke kaaran hoga.

Comments

Post a Comment