Motivational Life Quotes

Tirth Sthanon Ka Mahtav

Tirth Sthanon Ka Mahtav

Tirth Sthanon Ka Mahtav
Tirth

Tirth Sthaapana Ke Pramaan Tatha Mahtav


Kisee saadhak rishi jee ne kisee sthan ya jalaashay par baith kar saadhana kee ya apanee aadhyaatmik shakti ka pradarshan kiya. vah apanee bhakti kamaee karake saath le gaya tatha apane isht lok ko praapt hua. us saadhana sthal ka baad mein tirth ya dhaam naam pada. ab koee us sthan ko dekhane jaye ki yahaan koee saadhak raha karata tha. usane bahuton ka kalyaan kiya. ab na to vahaan sant jee hai, jo upadesh de. vah to apanee kamaee karake chala gaya. ram name kee saamagree koot kar jhaad-paunchh kar apanee sarv bhakti saadhana kee kamaee ko saath le gaya. baad mein anajaan shraddhaalu, us sthan par jaane maatra se kalyaan samajhen to unake maarg darshakon (guruon) kee shaastra vidhi rahit bhakti saadhana ka hee parinaam hai. us mahaan aatma sant kee tarah prabhu ki saadhana karane se hee kalyaan sambhav hai. usake lie Tatvdarshi Sant kee khoj karake usase upadesh lekar aajeevan bhakti karake moksh praapt karana chaahie.

1 Shukra Tirth Ka Mahtav 


Shree brahma puraan lekhak vyaas jee prakaashak geeta pres gorakhapur prashth 167.168 par Bhragu rishi ka putra shukra ne gotamee nadi ke uttar tat par bhagavaan maheshvar kee aaraadhana karake vidya paayee thee, vah sthan shukra tirth kahalaata hai. 

Shukra Tirth Ka labh


Yadi koee vaykti us shukra tirth mein keval snaan tatha vahaan par baithe kaamachor vyaktiyon ko daan karane se hee moksh maanata hai to vah gyaanaheen vyakti hai. paramaatma kee saadhana jaise shukraachaarya ne kee thee. vaisee hee saadhana kisee bhee sthaan par koee saadhak karega to shukraachaarya ko jo labh hua tha vah praapt hoga.

2 Saraswati Sangam Tirth Tatha Puroorava Tirth Ka Mahtav


Shree brahma puraan prashth 172-173 par likha hai ek din raaja puroorava, brahma jee kee sabha mein gaye, vahaan brahma jee kee putree Saraswati ko dekhakar usase milane kee ichchha prakat kee. Saraswati ne haan kar dee. saraswati nadee ke tat par saraswati tatha puroorava ne anek varshon tak sambhog kiya. ek din brahma ne unako bhogvilaas karate dekh liya. tatha apanee betee ko shraap de diya. vah nadee roop mein sama gaee. jahaan  par puroorava tatha saraswati ne sambhog kiya tha. vah pavitra tirth sarswati sangam naam se vikhyaat hua. jahaan par puroorava ne mahaadev kee bhakti kee vah sthan puroorava tirth naam se vikhyaat hua. 

Saraswati Sangam Tirth Ka Labh


Is sthan par brahma kee betee saraaswati ne pooroorava naamak raaja ke saath apane pita se chhupakar sex (sambhog) kiya. jab pita jee ne unhen aisa karate dekha to shraap de diya. vah sthaan jahaan par saraswati ne tatha raaja puroorava ne duraachaar kiya us sthaan ka naam saraswati sangam tirth vikhyaat hua. Vichaar Karen : kya aise sthan par jaane tatha snaan karane se koee laabh ho sakata ha.
Tirth Sthanon Ka Mahtav Tatha Labh
Tirth

3 Vradha Sangam Tirth Mahtav


Shree brahma puraan prashth 173 se 175 par likha hai ek gautam rishi the. unaka ek hajaar varsh kee aayu tak vivaah nahin hua. usane ved gyaan bhee nahin padha tha keval gaayatree mantra yaad tha. usee ka jaap karata tha. ek din vah ek parvat par ek gupha mein gaya. vahaan par nabbe hajaar varsh kee aayu kee ek vraddha stree milee. donon ne vivaah kiya. ek din Vashishtha rishi tatha vaam dev rishi vahaan gupha mein anye rishiyon ke saath aae. unhonne  gautam rishi ka upahaas kiya kaha he gautam jee yah vraddha aap kee maan hai ya daadee. rishiyon ke jaane ke pashchaat donon bahut duhkhee hue. agast rishi kee raaye se godavaree nadi ke gautamee tat par gaye aur kathor tapasya karane lage. unhonne bhagavaan shankar aur vishnu ka stavan kiya tatha patnee ke lie ganga jee ko bhee khush kiya. ganga ne unake tap se prashann hokar kaha braahman aap mantra padhate hue mere jal se apanee patnee ka abhishek karo. isase vah roopavatee ho jaegee. ganga jee ke aadesh se donon ne ek dusare ke lie aisa hee kiya. donon pati-patnee sundar roop vaale ho gaye. vah jal jo mantron ka tha. usase vraddha naam nadi bah chalee. usee sthan par gautam rishi ne us vrddha ke saath jo yuvatee ho gaee thee. man bharakar sambhog kiya. tab se us sthaan ka naam vraddha sangas tirth ho gaya. vaheen par gautam rishi ne sadhanarth ek shivaling sthaapit kiya tha. vah bhee vradha ke naam par vradveshvar kahalaaya.

Vradha Sangam Tirth Ka Labh


Is sthan par ek Gautam naamak rishi ne ek hajaar varsh kee aayu mein nabbe hajaar varsh kee aayu kee vraddha stree se vivaah kiya. apane ko yuva banaane ke uddeshy se donon ne godaavaree nadee ke gautamee tat par kathor tap kiya. pashchaat mantron se jal mantrit karake ek-doosare par daala. donon yuva ho gaye. tatpashchaat us sthaan par donon ne man bhar kar sambhog arthaat vilaas (sex) kiya. vah sthaan vraddha sangam teerth kahalaaya. vichaar karane yogy baat hai ki aise sthaanon par jaane se aatmakalyaan ke sthaan par patan hee hoga. aatm udgar nahi.

4 Ashav Arthat Bhanu Tirth Ka 

Mahtav


Shree brahma puraan prshth 162.163 tatha Shree Markandeya puraan prashth 173 se 175 par likha hai ‘‘maharishi kashyap ke jayeshth putra surya dev hai, unakee patnee ka naam usha hai (markandeya puraan mein surya kee patnee ka naam sangya likha hai jo maharshi vishvakarma kee betee hai) surya ki patnee apane pati surya ke tej ko sahan na kar sakane ke kaaran duhkhee rahatee thee. ek din apanee siddhi shakti se anay stree apanee hee svaroop kee utpann kee use kaha aap mere pati kee patnee ban kar raho teree tatha meree shakl samaan hai. aap yah bhed meree santaan tatha pati ko bhee nahin bataana yah kah kar sangya (usha) tap karane ke uddeshy se uttar kurukshetra mein chalee gaee vahaan ghodee ka roop dhaaran karake tapasya karane lagee. bhed khulane par Surya dev bhee ghode ka roop dhaaran karake vahaan gaya jahaan sangya (usha) ghodee roop mein tapasya kar rahee thee. ghode roop mein surya ne ghodee roop dhaaree sangya se sambhog karana chaaha. usha (sangya) ghodee roop mein vahaan se bhaag kar gautamee nadi ke tat par aaee ghoda roop dhaaree surya ne bhee peechha kiya. vahaan aakar ghodee roop mein apane pativrat dharm kee raksha ke lie ghoda roop dhaaree pati ko na pahachaan kar us kee or apana prashth bhaag na karake mukh kee or se hee saamana kiya. donon kee naasika milee. surya vaasana ke veg ko rok nahin sake tatha ghodee roop dhaaree usha (sangya) ke mukh ki or hee sambhog karane ke uddeshy se prayatn kiya. naasika dwara veeriya pravesh se ghodee roop dhaaree usha ke mukh se do putra ashvanee kumaar (naasaty tatha dasra) utpann hue tatha shesh veeriya jameen par girane se revant naamak putra utpann hua. vah sthan ashav tirth bhaanu tirth tatha panchavati aashram naam se vikhyaat hua. usee sthaan par surya kee betiyon ka aroona tatha varoona naamak nadiyon ke roop mein samaagam hua. usamen bhinn-2  devataon aur tirthon ka prthak-prthak samaagam hua hai. ukt sangam mein sataees hajaar tirthon ka samudaay hai.

Ashav Arthat Bhanu Tirth Ka Labh


Surya dev kee patnee ghodee ka roop dhaaran karake tapasya kar rahee thee. suriya dev kaam vaasana (sex praisar) ke vash hokar ghoda roop dhaaran karake ghodee roop dhaaree apanee patnee ke paas gaya. ghodee ne use apane prshth bhaag kee or nahin jaane diya. surya dev itana sex praisar (kaam vaasana ke dabaav) mein tha ki usane ghodee ke mukh kee or hee sambhog kriya praarambh kee jis kaaran se unhen teen putra praapt hue. vah sthaan ashav tirth naam se vikhyaat hua. vaheen par surya dev kee do betiyaan jaakar nadee ban kar bahane lagee. jis kaaran se vahee sthaan panchavatee aashram naam se bhee prasiddh hua. usee sthaan ko bhaanoo tirth bhee kaha jaata hai. is teerth ka laabh likha hai ki isake smaran se tatha keertan karane se tatha isakee katha shravan karane se sab paapon se mukt hokar dharmavaan aur sukhee hota hai vichaar karo bhaeeyon kya aisee kathaon ko sunane tatha aise sthaan par jaane se aatm kalyaan sambhav hai. isalie shaastron (paachon vedon, geeta jee) ke anusaar bhakti karane se sarv paapon se mukt hokar poorn moksh sambhav hai.

5 Jan Sthan Tirth Ka Mahtav


Shree brahm puraan (geeta pres gorakhapur se prakaashit) prashth 161.162 par likha hai ki rishi yaagyavalky se raaja janak ne poochha ki he dvijashreshth bade-2 muniyon ne nirnaya kiya hai ki bhog aur moksh donon shreshth hain. aap bataain! bhog se bhee mukti praapt kaise hotee hai rishi yaagyavalky jee ne kaha is prashn ka uttar aap shvashur varoon dev jee theek-2 bata sakate hain. chalo unase poochhate hain. donon bhagavaan varoon dev ke paas gae tatha varoon ne bataaya ki ‘‘ved mein yah maarg nishchit kiya hai ki karm na karane kee upeksha karm karana shreshth hai. dharm, arth, kaam tatha moksh ye chaaron purooshaarth karm se bandhe hue hain. nrap shreshth. karm dvaara sab prakaar se saadhyon kee siddhee hotee hai, isalie manushyon ko sab tarah se vaidik karm ka anushthaan karana chaahiye. isse ve is lok mein bhog tatha moksh donon praapt karate hain. akarm se karm pavitra isake pashchaat raaja janak ne rishi yaagyavalkya ko purohit banaakar ganga ke tat par anekon yagy kie. isliye us sthaan ka naam jan sthaan tirth ke naam se vikhyaat hua.

Jan Sthan Tirth Ka Labh


is sthaan par raaja Janak ne anekon ashvamegh yagy kie. ek ashvamegh yagy mein karondon roopaye kharch hue the. tab raaja janak ko svarg praapti huee thee. yadi koee agyaanee kahe ki us jan sthaan teerth par jaane va snaan karane tatha vahaan upasthit (sharaab,tambaku tatha maas sevan karane vaale) vyaktiyon ko daan karane se raaja janak vaala laabh milega. kya yah baat nyaay sangat hai itana kuchh karane ke pashchaat bhee raaja janak mukt nahin ho saka. vahee aatma kalayug mein sant naanak jee ke roop mein shree kaalu raam mahata ke ghar janma. phir poorn paramaatma kee bhakti poorn guru kabeer parameshvar se naam praapt karake kee tab moksh praapt hua. isliye shaastron ke anusaar bhakti karane se sarv paapon se mukt hokar poorn moksh sambhav hai.

Comments